Roza Rymbaeva jas ánshi Janar Duǵalova týraly pikir aıtty
ASTANA. QazAqparat - Qazaqstannyń Halyq ártisi, Memlekettik syılyqtyń laýreaty Roza Rymbaeva qazirgi jas ánshilerdiń arasynan «men» dep ekshelenip shyǵatyn ánshilerdi ataý qıyn ekenin, degenmen Janar Duǵalova sekildi jastarǵa kóńili tolatynyn aıtty. Bul týraly pikirin ánshi baistars.kz saıtyna bergen suhbatynda jekizdi.
«Radıo men teledıdardy qosyp qalsań, bir-birine uqsas daýystar... «Men» dep, kózge ottaı basylyp, tyńdaǵanda tańdanys týdyratyn ánshini ataý qıyn. Bári de fonogrammamen «óner kórsetip», bir ándi kontsertte de, toıda da oryndaǵanyna máz. Ondaılardy ánshilerdiń qataryna jatqyzbaımyn, «fonerşıkter» ǵoı... Kim kóringen kógildir ekranǵa shyǵyp, «juldyz» atanyp júr. Aqshańdy berseń, seni kúni-túni efırden kórsetedi. Shyntýaıtyna kelsek, efır - árkimniń bir ýysynda ketti. Osydan keıin jastar kimge elikteıdi?!», - deıdi Roza Rymbaeva suhbatta. «Áıtkenmen, keıingi býynnan GaýHar Qaspaqova, Altynaı Jorabaevalarǵa kóńilim tolady. Olar kez kelgen ándi shyraıyn keltirip shyrqaı alady, daýys múmkindikteri zor. Sondaı-aq, jaqynda ǵana halyqaralyq baıqaýdan bas júldemen oralǵan Janar Duǵalovaǵa da rızamyn», dep jas ánshilerdiń arasynan kimge kóńili tolatynyn bildirdi.
