Roza Rymbaeva jańa telejobanyń júrgizýshisi bolady (FOTO)
ASTANA. QazAqparat - 17 mamyr kúni tanymal «Ulttyq shoý» baǵdarlamasy jańa formatta shyǵady. «Qazaqstan» telearnasynyń efırinde túrli jańa oryndaýlarǵa, tyń dýetterge jáne ǵajaıyp qoıylymdarǵa toly «Roza shaqyrady» atty mýzykalyq jobasynyń tusaýkeseri ótedi.
Baǵdarlamanyń basty juldyzy - otandyq sahnanyń prımadonnasy, tanymal tulǵa - Roza Rymbaeva. Ol televızııalyq jobanyń ıesi ǵana emes, bas keıipkeri. Barlyq joba jandy daýysqa qurylǵan! Baǵdarlamanyń ár shyǵarylymynda kórermender tosyn nómirlerge, kútpegen tyń dýetterge jáne basqa da qyzyqty qoıylymdarǵa kýá bolady, dep habarlady teleradıokompanııanyń baspasóz qyzmeti.
Telejoba barysynda otandyq shoý-bıznes ókilderi: tanymal ánshiler, ártister, akterler, sazgerler óz shyǵarmashylyǵynyń jáne ómiriniń qyzyqty tustarymen kórermendermen bólisedi. Súıikti de tanymal ánshilerińiz, sazgerler jáne kompozıtorlar óz ánderi men týyndylaryn jandy akkompanementte oryndaıdy.
Tanymal oryndaýshylarmen qatar, árbir baǵdarlamalada jańa juldyzdyń aty belgili bolady. Shoý barysynda Roza Rymbaeva qazaqstandyqtarǵa jańa oryndaýshylardy, kompozıtorlardy, syqaqshylardy tanystyrady.
Keshti Roza Qýanyshqyzymen birge Álı Oqapov pen Rústem Nurjigit júrgizedi.
