Roza Rymbaeva shyǵarmashylyq keshin 8 naýryz merekesine arnaıdy
ASTANA. 7 naýryz. QazAqparat - 8 naýryz kúni elordadaǵy «Qazaqstan» Ortalyq kontsert zalynda Qazaqstannyń halyq ártisi, Memlekettik syılyqtyń laýreaty Roza Rymbaevanyń Halyqaralyq áıelder kúnine arnalǵan kontserti ótedi.
Elordanyń resmı saıtynyń jazýynsha, ánshi kóktemgi alǵashqy kontsertin ananyń mahabbatyna arnady. Kópshilikti ol «Jan anam» atty jańa ánder baǵdarlamasymen qýantpaqshy.
Roza Rymbaeva sahnaǵa bul joly uly Álı Oqapovpen birge shyǵady. Sondaı-aq, merekelik is-sharaǵa Qazaqstan estradasynyń jas «juldyzdary», «X-factor Kazakhstan» baıqaýynyń jas oryndaýshylary qatysady.
Astana qalasy Mádenıet basqarmasynan habarlaǵandaı, ánshi jeke oryndaýyndaǵy ándermen qatar, kontsertke qatysýshylarmen birge de án shyrqaıdy. Sondaı-aq, roıaldiń súıemeldeýimen de birneshe án oryndaıdy.
