Roza Rymbaeva shyǵarmashylyǵynyń 40 jyldyǵyna arnalǵan klıp shyǵardy - VIDEO
ALMATY. QazAqparat - Jelide Qazaqstannyń halyq ártisi Roza Rymbevanyń «Án qanatym» atty kompozıtsııasyna túsirilgen jańa klıp shyqty. Beınebaıan otandyq estrada juldyzy shyǵarmashylyǵynyń mereıtoıyna arnalǵan.
«Án qanaty» kompozıtsııasy - ánder ánurany. Biz oǵan sahnaǵa alǵash shyqqan kúnimnen bastap túsirilgen barlyq vıdeomaterıaldardan úzindi qostyq. Bul óleń - meniń ǵumyrym. Klıptiń keı sátterinde men ózimdi tanymaımyn. Keı jerde ádemi bolsam, keı jerde súıkimdi, keı jerde ózime tipti unamaımyn. Sebebi shyǵarmashylyǵymnyń bas kezinde men múldem boıanýdy bilmeıtinmin. Kontsertke kıetin ádemi kostıým de joqtyń qasy edi. Kórermender bul klıpten meniń ómir jolymdy kóretin bolady», - dedi ánshi «R. Rymbaeva. Sahnada 40 jyl. Erteńime senemin» mereıtoılyq kontsertiniń alǵashqy DVD dıskisiniń shyǵýyna arnalǵan baspasóz konferentsııasynda.
Ánshiniń uly mýzykant Álı Oqapov kórermender onyń anasynyń 40 jyldyq shyǵarmashylyǵyn 3 mınýtta tamashalaı alatynyn atap ótti.
