Roza Rymbaeva ShQO-nyń Astanadaǵy kúnderiniń aıasynda óner kórsetedi
ASTANA. QazAqparat - 21-25 shilde aralyǵynda elordada Shyǵys Qazaqstan oblysynyń kúnderi ótedi. ShQO týmasy Roza Rymbaeva merekelik kontsertke qatysyp, óner kórsetedi, dep habarlady búgin Astana qalasy ákimdiginiń baspasóz qyzmeti.
21-24 shilde aralyǵynda saǵat 18.00-den Báıterek monýmentiniń alańynda jáne «Stýdenttik» saıabaǵynda «Parýs» sahnasynda ShQO shyǵarmashylyq ujamdarynyń qatysýymen kontsert ótedi. Oǵan qosa «Ata-babalar murasy» arheologııalyq artefaktiler kórmesi jáne «Týǵan jerime» atty fotokórme uıymdastyrylady.
21 shildede saǵat 18.30-da M. Gorkıı atyndaǵy Memlekettik akademııalyq orys drama teatrynda Abaı atyndaǵy teatrdyń qoıylymymen E. Porterdiń «Pollıanna» spektakli kórsetiledi.
23 shildede sharalar saǵat 15.00-den bastap ótkiziledi. «Qazanat» ıppodromynda astanalyqtardyń nazaryna ShQO qolónershileriniń kórmesimen «Etnoaýyl» ulttyq-mádenı kesheni jáne óńirlik sheberlerdiń qatysýymen teatrlandyrylǵan kontsert usynylady.
ShQO oblysynyń mádenı kúnderi aıasynda qazaqstandyq estrada juldyzdarynyń qatysýymen «Nurly Shyǵystan - nurly álemge nur shashý» atty kontsert ótedi. Shara amfıteatrda EKSPO-2017 kórmesiniń aýmaǵynda 25 shilde kúni saǵat 21.00-de ótkiziledi.
