Roza Rymbaeva: Nur-Sultan – táýelsiz Qazaqstannyń sımvolyna aınaldy
ALMATY. QazAqparat - Astana kúni qarsańynda Almatynyń belgili mádenıet qaıratkerleri Nur-Sultan qalasyna óz quttyqtaýlaryn jetkizip, Qazaqstannyń basty megapolısine degen kóz qarastary týraly aıtyp berdi, dep habarlaıdy QazAqparat tilshisi.
Qazaqstannyń Halyq ártisi Roza Rymbaeva astananyń biregeı ekenin aıtyp, ereksheligine toqtaldy.
«Barsha qazaqstandyqtardy Astana kúnimen quttyqtaımyn. Jyl saıyn biz elimizdiń jetistigin atap ótemiz. Búginde Nur-Sultan ásem úıleri men saıabaqtary bar ádemi qala. Bul zamanaýı, biregeı, damyǵan megapolıstiń úlgisi. Memleketimiz táýelsizdik alǵannan keıin, astanamyz Nur-Sultan qalasy bizge jańa ómir syılady. Jańa qala, jańa qurylystar, dańǵyldar, Qazaqstannyń ótkenin artta qaldyrdy. Nur-Sultan táýelsiz jańa Qazaqstannyń sımvolyna aınaldy», — dedi ánshi.
Roza Rymbaeva Qazaqstannyń árbir qalasyna Nur-Sultandaı damýyn tiledi.
