Roza Rymbaeva Bishkekte kontsert beredi
BІShKEK. Qazannyń 22-si. QazAqparat /Vladımır Dobrovolskıı/ - Keńes Odaǵynan beri óz ónerimen jurtshylyqtyń joǵary baǵasyna ıe bolyp kele jatqan, elge tanymal Qazaqstan estradasynyń juldyzy Roza Rymbaeva búgin Bishkekte kontsert beredi.
Ánshiniń kontserti onyń Ortalyq Azııa elderine jasalyp jatqan mereıtoılyq týrynyń aıasynda ótedi, dep habarlaıdy QazAqparat.
Uıymdastyrýshylardyń aıtýynsha, eki saǵatqa sozylatyn kontserttiń barysynda ánshi onnan astam tilde án shyrqaıdy, onyń ishinde orys jáne qyrǵyz ánderi de bolady. Rozany burynǵy KSRO respýblıkalaryna keńinen tanytqan keńes dáýiriniń ánderi de oryndalady dep kútilýde.
