Roza Rymbaeva aty shýly «Beshbarmaq» beıneklıpine qatysty málimdeme jasady

Ǵalamtorda birer kún buryn paıda bolǵan beınebaıanda qazaqtyń ulttyq taǵamy beshbarmaq jaıly án shyrqalady.Onda reperlardan bólek, Roza Rymbaeva jáne onyń uly Álı Oqapov pen Nurlan Abdýllın de bar. Biraq, týyndynyń kópshilikke jol tartqany sol-aq edi, synnyń astynda qaldy. Áleýmettik jelilerde ánshige nazyn bildirip, gýlep jatqan halyq "Roza Rymbaeva óneriniń shyńyna jetkende, súrindi" degen pikirler jazýda. Alaıda, Roza Qýanyshqyzy "munda turǵan esh óreskeldik joq", - deıdi. "Kerisinshe, rejısserler ulttyq taǵamdy nasıhattaıtyn klıpke túsýge shaqyrǵan soń kelistim" dep otyr. «Halyqtyń kóńilinen shyǵý múmkin emes qoı. Beshbarmaqty maqtaý úshin basqa ulttyń ókilderi klıp túsirip, ózderi rep jazyp jatqan kezde biz nege syrtta qalýymyz kerek. Bir ǵana sóz «qazy, qarta, jaıa» degendi aıtyp berseńiz, áıeldiń daýysy kerek, onyń ústine belgili ana, áıel bolý kerek degen soń qatysqan edim», - deıdi QR Halyq ártisi Roza Rymbaeva.