Roza Otynbaevaǵa Qyrǵyzstannyń ótpeli kezeńdegi prezıdenti ókilettigi berildi
BІShKEK. Mamyrdyń 20-sy. QazAqparat /Evgenıı Novıkov/ - Qyrǵyzstannyń ýaqytsha úkimeti keshe, sársenbi kúni Qyrǵyz Respýblıkasynyń ótpeli kezeńdegi prezıdenti týraly dekret qabyldady, oǵan sáıkes memleket basshysynyń ókilettigi ýaqytsha úkimettiń tóraıymy Roza Otynbaevaǵa júkteldi. Ótpeli kezeńdegi prezıdenttiń ókilettiliginiń merzimi 2011 jyldyń jeltoqsan aıynyń 31-ine deıin belgilenip otyr.
Dekretke sáıkes, ótpeli kezeńniń prezıdenti óz ókilettigin jańa konstıtýtsııa boıynsha saılanatyn Jogorký Keneshtiń birinshi otyrysyna deıin atqaratyn bolady. Prezıdent óz ókilettigin ázirge 2007 jyldyń qazan aıynyń 23-inde qabyldanǵan negizgi zań boıynsha atqara turady da, al Jogorký Keneshtiń birinshi otyrysynan keıin ol óz ókilettigin jańa konstıtýtsııa boıynsha atqarady.
Roza Otynbaeva sondaı-aq, jańa úkimet qurylǵanǵa deıin Qyrǵyz Respýblıkasynyń premer-mınıstri ókilettigin de atqara turady.
Oǵan qosa dekrette, el prezıdentiniń ótpeli kezeńde eshqandaı saıası partııada bolmaýy jáne kezekti prezıdenttik saılaýǵa qatyspaýy qarastyrylyp otyr.
Jańa konstıtýtsııany maýsymnyń 27-sinde jalpyhalyqtyń referendýmǵa shyǵarý josparlanyp otyr.
