Roza Otynbaeva prezıdenttigin aıaqtaı otyryp, óziniń qoryn qurmaq
ShKEK. 30 qarasha. QazAqparat /Arnur Rahymbekov/ - Seıbenbi kúni Bishkekte Qyrǵyzstan prezıdenti Roza Otynbaeva óziniń prezıdenttigi qorytyndylaryna arnalǵan brıfıng ótkizdi.
Baspasóz máslıhatyna qatysýshylar prezıdenttiń memlekettik rezıdentsııasyna jınaldy. Jýrnalısterdń suraqtaryna jaýap qaıtara otyryp, Roza Otynbaeva el damýyndaǵy kúrdeli jáne shıelenisti kezeń artta qalǵanyn atap ótti.
«Biz tarıhı kezeńde ómir súrip otyrmyz. Bul kezeńde kóp nárse isteldi, bizdiń atqarǵan isterimizge tarıh óziniń baǵasyn beredi. Búlingen qalalardyń ınfraqurylymdary men úılerdi qalpyna keltirýmen qatar adamdar arasyndaǵy qatynastardy da jańǵyrtýdy qosa alǵanda, jaǵdaıdy turaqtandyrý jóninde kóp jumys jasaldy. Biz adamdarmen kezdesip, olardyń beıbit ómirge oralyp, jumys jasaýdy jalǵastyrýy, balalaryn ósirip-óndirýi qajettigi jóninde kóp aıttyq», - dedi Roza Otynbaeva.
Reporterlerdiń qandaı ókinishi bar ekendigi týraly suraǵyna R.Otynbaeva «Sot reformasyn ilgeri jyljyta almaǵanyma ókinemin. Biraq ol meniń kinámnan bolǵan joq. Búginde Jogorký Kenesh sot reformasyna qatysty zańdar býmasyna tıisti ózgertýlerdi qolǵa alýy tıis», - dedi.
Óziniń budan bylaıǵy qyzmeti jaıly R.Otynbaeva saıası partııa qurmaıtynyn, óziniń qolynan keletin jumysty atqaryp, eldiń odan ári damýyna barynsha kómektesetinin atty.
«Men bilim, mádenıet, áleýmettik salalarda biraz jumys isteı alar edim. Osy maqsatty arnaıy qor quryp, eldiń, onyń mádenıeti men óneriniń damýyna úles qospaqpyn», - degen josparlarymen bólisti.
1 jeltoqsanda Bişkekte Qyrǵyzstannyń jańa prezıdenti Almazbek Atambaevty ulyqtaý saltanaty ótedi. Bul Qyrǵyzstannyń qazirgi tarıhyndaǵy ókimet bıligin beıbit jolmen berýdiń alǵashqy oqıǵasy bolyp otyr.
