Roza Otynbaeva Qazaqstan Prezıdentiniń basty basymdyǵyn atady
NUR-SULTAN. QazAqparat – Qyrǵyz Respýblıkasynyń kóshpeli kezeńinde Prezıdent bolǵan Roza Otynbaeva Qasym-Jomart Toqaevtyń birinshi sanatty dıplomat ári saıasatker retinde sıpattady, dep habarlaıdy QazAqparat tilshisi.
«Eńserý» derekti fılmi barysynda qyrǵyz saıasatkeri Qazaqstan Prezıdentiniń joǵary biliktiligi men mol dıplomatııalyq tájirıbesin atap ótedi.
«Qasym-Jomart Toqaev klassıkalyq bilim alǵan óte bilikti maman, dıplomat. Joǵary dıplomatııanyń qyr-syryn biletin adam. Ol álemdegi eń myqty dıplomatııalyq mektepterdiń birinde jumys istedi. Ol sol bir kezeńdegi sýperderjava Keńes Odaǵy Syrtqy ister mınıstrliginiń keńesin jáne búgingi Reseı SІM-in biledi. Búginde Sergeı Lavrovtan bastap olardyń barlyǵy da eńbek etip júr. Bul onyń basymdyǵy. Ol bul salany, sol mektepti, memlekettegi dıplomatııanyń mańyzyn, onyń ústine «A» áripinen bastap negizgi qalanǵan memlekettiń qalyptasýyn jetik biledi», - dedi Roza Otynbaeva.
Sonymen qatar ol Qazaqstanǵa birinshi basshy saılaýda joly bolǵandyǵyn aıtady.
«Menińshe, Qazaqstan dıplomatııasynyń jáne syrtqy saıası maıdanynyń qalyptasý bastaýynda Qasym-Jomart Kemeluly syndy joǵary sanatty, joǵary qasıetti mamannyń turýy arqyly joly boldy. Árıne, ol Elbasynyń, Tuńǵysh Prezıdenttiń senimdi seriktesi de bola bildi. Óıtkeni, Qazaqstan aıaǵyna endi turyp, jańa eldiń negizgi relsin tóseý barysynda bul maıdan óte mańyzdy edi», dedi qyrǵyz saıasatkeri.
