Roza Otynbaeva Italııa prezıdentiniń patronatymen «2015 jylǵy Mınerva» syılyǵyna ıe boldy

Bul týraly KırTAG «Roza Otýnbaeva bastamalary» halyqaralyq qoryna silteme jasap habarlady.

«2015 jyly 24 maýsymda Italııanyń «Áıelder klýby» Italııa Respýblıkasy prezıdentiniń Joǵary patronatymen saıasat salasyndaǵy qyzmeti, Qyrǵyzstandaǵy joǵary ınstýtsıonaldyq róli men halyqaralyq deńgeıdegi beıbitshilik pen demokratııaǵa qatysty jumysy úshin Qyrǵyzstannyń eks-prezıdenti Roza Otynbaevaǵa «2015 jylǵy Mınerva» syılyǵyn taǵaıyndady», - dep málim etken qordan.

Atap ótilgendeı, syılyqty 1983 jyly Il Club delle Donne kommertsııalyq emes qaýymdastyǵy bekitken. Ol jyl saıyn san saladaǵy jańashyldyqqa bastama bolǵan, qaısar da órshil áıelderge beriledi.

Buǵan deıin syılyqqa Sımona Veıl (Eýropalyq parlamenttiń prezıdenti bolǵan tuńǵysh áıel); Noelın Heızer (ıÝNIFEM-niń burynǵy atqarýshy dırektory); Sheıha Lýbna Al-Kasımı (BAÁ syrtqy saýda mınıstri); Mama Koıte Dýmbııa (FEMNET prezıdenti); Halıda Messaoýdı (Aljırdiń mádenıet mınıstri); Irına Bokova (ıÝNESKO bas dırektory); Masýme Ebtekar (Irannyń vıtse-prezıdenti qyzmetin atqarǵan alǵashqy áıel) ıe bolǵan.