Roza Otynbaeva aldaǵy prezıdenttik saılaýǵa qatyspaıdy
BІShKEK. 21 aqpan. QazAqparat /Arnur Rahymbekov/ - Qyrǵyzstan prezıdenti Roza Otynbaeva Naryn oblysynda jumys saparymen bolyp qaıtty.
Sapar barysynda R.Otynbaeva At-Bashy aýdanynda ornalasqan Acha-Qaıyńdy aýylyndaǵy «Oı-Terisken» orta mektebinde bolyp, 2010 jylǵy «sáýir oqıǵalarynyń» qatysýshylaryna arnalǵan eskertkishke gúl shoqtaryn qoıdy. Osy jerde respýblıka basshysy aýdannyń orta mektepteriniń dırektorlarymen kezdesti.
Óz kezeginde, oblys aktıvi R.Otynbaevaǵa aldaǵy prezıdent saılaýyna qatysýǵa usynys jasady. «Maǵan memleket basshysy retinde ókilettik merzimimdi uzartýǵa nıet etken adamdarǵa alǵysym sheksiz». Biraq biz Zań aldynda birdeı bolýymyz tıis, men óz kandıdatýramdy aldaǵy saıaýǵa usynbaq emespin. Biz 2010 jyldyń 27 maýsymynda kelisilgendeı bılikti beıbit túrde zań sheńberinde berýimiz qajet», - dedi R.Otynbaeva.
