Roza Baǵlanovanyń 95 jyldyǵyna oraı ánshiler baıqaýy ótti
QYZYLORDA. QazAqparat - Bıyl sandýǵash úndi Syr qyzy Roza Baǵlanovanyń týǵanyna 95 jyl tolýyna oraı Qarmaqshy aýdanynda "Bulbul ánshi" baıqaýy ótti, dep habarlady QazAqparat HAA tilshisi aýdandyq ákimdikke silteme jasap.
Qyzylordanyń topyraǵynda týyp, ánimen álemge tanylǵan Roza Baǵlanova ónerde ózgeshe iz qaldyrdy. Onyń kúmisteı syńǵyrlaǵan úni men ásem áýenderi el esinde qaldy.
Baıqaýǵa eldi mekenderden 13 ónerpaz qatysyp, ónerlerin ortaǵa saldy. Qazylar alqasynyń sheshimimen І oryn Qyzyltam aýylynyń jas ánshisi Araılym Mahambetjanovaǵa berilse, ІІ oryn Dúr Ońǵar aýylynyń ónerpazy Nurtýǵan Almatovqa buıyrdy. Al ІІІ oryndy Tórebaı bı aýylynyń ónerpazy Hamza Uzaqov pen ІІІ-Internatsıonal aýylynyń jas ánshisi Nurjan Elýbaı ıelendi.
Barlyq qatysýshylarǵa aýdandyq mádenıet jáne tilderdi damytý bóliminiń alǵys hattary tabystaldy.
