Roza Baǵlanova — soǵys jyldarynda maıdan dalasynda óner kórsetken jalǵyz qazaq qyzy

ASTANA. KAZINFORM – Roza Baǵlanova — jeńiske jetelegen úmit úni. Ol — soǵys jyldarynda maıdan dalasynda óner kórsetken jalǵyz qazaq qyzy.

Mádenıet jáne aqparat mınıstrligi málimetinshe, Uly Otan soǵysy kezinde Roza Baǵlanova sarbazdardyń rýhyn kóterip qana qoımaı, jaraly jaýyngerlerge kómektesip, erlik kórsetti. Baǵlanova ǵana eki márte «Jaýyngerlik erligi úshin» medalimen marapattaldy. Ánshige marshal Rokossovskıı medal tabystaǵan. Ánshiniń maıdandaǵy repertýarynda 20 tilde oryndalǵan 500-ge jýyq án boldy, ol myńnan astam áskerı kontsertke qatysty.

Roza Baǵlanovanyń baǵyn ashqan án — Lıdııa Rýslanovanyń repertýaryndaǵy «Ah, Samara-gorodok».

Bul ándi Roza Baǵlanova jas kezinde oryndap, ózi úlgi tutqan Rýslanovanyń joǵary baǵasyn alǵan. 1945 jylǵy 9 mamyrda ol Berlındegi Jeńis kontsertinde óner kórsetti.

Roza Baǵlanova — «Halyq Qaharmany» ataǵyn alǵan jalǵyz ártis.

Aıta keteıik, Roza Baǵlanova atyndaǵy halyqaralyq vokalıster baıqaýynyń jeńimpazdary marapattaldy.