Roı Djonstyń kelesi jekpe-jegi Qazaqstanda ótýi múmkin
ASTANA. 23 jeltoqsan. QazAqparat - MMA juldyzy Anderson Sılva men boks sańlaǵy Roı Djonstyń jekpe-jegi Qazaqstanda uıymdastyrylýy múmkin.
Vladımır Hrıýnov «Sovet sportyna» bergen suhbatynda jaqynda UFC prezıdenti Deın Ýaıtpen kezdesetinin málim etti. Kezdesý barysynda MMA eń úzdik sportshysy Anderson Sılva men áıgili boksshy kishi Roı Djons arasyndaǵy jekpe-jek talqylanady.
Hrıýnovtyń aıtýynsha, kezdesý Qazaqstanda ótýi ábden múmkin. Óıtkeni, Qazaqstan tarapy mundaı aıtýly shoýdy elimizde ótkizýge múddeli bolyp otyrǵan kórinedi. Jekpe-jek boks erejeleri boıynsha ótedi, deıdi uıymdastyrýshylar. Bul eki sportshy kezdesý ótkizgisi keletinin birneshe ret jarııalaǵan bolatyn, dep habarlady Baq.kz.
