Roı Djons Qaraǵandydaǵy boks týrnırinde rep oryndap berdi
ASTANA. QazAqparat - Qaraǵandyǵa QazKSR eńbegi sińgen jattyqtyrýshy Ǵalym Jarylǵapovty eske alýǵa arnalǵan XXHІІI halyqaralyq boks týrnırine Roı Djons keldi.
Buǵan deıin habarlaǵanymyzdaı, Qaraǵandyda QazKSR eńbegi sińgen jattyqtyrýshy Ǵ. Jarylǵapovty eske alýǵa arnalǵan dástúrli XXHІІI halyqaralyq boks týrnıri ótip jatyr.
Uıymdastyrýshylardyń málimetine súıensek, týrnırge Qazaqstan, Qytaı, Tájikstan, Ózbekstan, Reseı men Qyrǵyzstan elderinen 100-den astam boksshy qatysýda. Bes kún boıy 10 salmaq dárejesindegi jekpe-jekter ótedi.
Eske ala keteıik, jattyqtyrýshynyń uly, týrnırdiń uıymdastyrýshysy Nurǵazy Jarylǵapovtyń shaqyrtýymen eki jyl buryn Roı Djons Qaraǵandyǵa kelgen bolatyn. Amerıkalyq boksshy qazaqstandyqtardyń qonaqjaılylyǵyna tánti bolǵan. QazKSR eńbegi sińgen jattyqtyrýshy Ǵ. Jarylǵapovty eske alýǵa arnalǵan XXHІ halyqaralyq boks týrnırinde Roı Djons rep-oryndaýshy retinde qatysqan. Ol jandy daýysta úsh ánin oryndaǵan bolatyn. Endi osy XXHІІI halyqaralyq boks týrnırinde de Roı ózi shyǵarǵan repti oryndap berdi.
