Roı Djons Golovkınniń kezekti qarsylasy týraly pikirin aıtty
ALMATY. QazAqparat - Dańqty boksshy kishi Roı Djons Gennadıı Golovkınmen qolǵap túıistirýge daıyndalyp jatqan Denıel Djeıkobstyń múmkindigi az ekenin aıtty, dep habarlaıdy QazAqparat tilshisi.
«AQSh-ta maǵan kúshi teń keletin boksshyny bilmeımin. Al álemde maǵan salmaqty qarsylas bola alatyn ekeýi bar. Maǵan Golovkınmen shyǵý qıyndaý bolady dep oılaımyn», - dedi Roı Djons Almatydaǵy baspasóz máslıhatynda.
Sonymen qatar, ol Golovkın men Djeıkobstyń aldaǵy jekpe-jegine qatysty pikirin aıtty.
«Onyń Golovkınmen sharshy alańǵa shyǵatyndaı kúshi bar dep aıta almaımyn. Golovkın degeniń sýper kúsh qoı. Sondyqtan, onymen judyryq túıistirý úshin ábden jattyqqan bolý kerek», - dedi ol.
Eske sala keteıik, 18 naýryzda Nıý-Iorkte «Medıson Skver Garden» arenasynda Golovkınniń kezekti jekpe-jegi ótedi. Onyń kórsetilimin HBO (ppv) arnasy jasaıdy. Bılet quny 100 dollar men 1000 dollar aralyǵynda satylady.
