Roýhanı Iranda ıadrolyq qarý bolmaıdy dep ýáde berdi
ASTANA. 19 qyrkúıek. QazAqparat - Iran Prezıdenti Hasan Roýhanı onyń eli eshqashan ıadrolyq qarý jasamaıdy degen málimdeme jasady, dep habarlaıdy Bı-Bı-Sı.
Oǵan qosa, ol Amerıkalyq NBC telearnasyna bergen suhbatynda Batyspen ýran baıytý jónindegi Iran baǵdarlamasy boıynsha kelissózder júrgizýge tolyq quzyreti bar ekenin aıtty.
Roýhanı jaqynda AQSh Prezıdenti Barak Obama joldaǵan hattyń «jaǵymdy jáne konstrýktıvti» ekendigin de qosa aıtty.
Buǵan deıin Iranda 11 saıası tutqynnyń erkindikke shyqqany týraly málimet jarııalanǵan bolatyn. Barlyq saıası tutqyndardy bosatý - Roýhanıdiń saılaý aldynda bergen ýádeleriniń biri.
Bı-Bı-Sı-diń Irandaǵy tilshisi Djeıms Reınolds Roýhanıdiń iri amerıkalyq aqparat quralyna suhbat berý jónindegi sheshimi ol úshin Vashıngton basshylyǵymen qarym-qatynastyń qanshalyqty mańyzdy ekenin kórsetedi, dep habarlady.
