Roých Golovkınniń Kottodan myqty ekenin bilgendikten kedergi keltirýde - Abel Sanches
ASTANA. QazAqparat - WBA (Super) jáne WBS (Interim) tujyrymy boıynsha orta salmaqtaǵy álem chempıony 33 jastaǵy qazaqstandyq Gennadıı Golovkınniń bapkeri Abel Sanches Freddı Roých Golovkınniń orta salmaqtaǵy WBC chempıony 34 jastaǵy pýertorıkandyq Mıgel Kottoǵa qarsy jekpe-jekke kedergi keltirýde dep sanaıdy.
«Kotto komandasy tap qazirgi ýaqytta Golovkınniń myqty ekenin biledi. Olar Kottonyń sporttyq jolynyń sońǵy belesi táýir aıaqtalǵanyn qalaıdy, al Golovkınmen jekpe-jekke shyqsa, bulaı bolmaıdy. Óıtkeni Roých Kotto Golovkın sııaqty joıqyn judyryq ıesine qarsy shyǵýǵa ázir emestigin biledi».
Eske salsaq, Golovkın Mıgel Kottonyń chempıondyq beldigine mindetti úmitker bolyp tabylady. Pýertorıkandyq maýsymnyń 6-synan 7-sine qaraǵan túni Avstralııanyń burynǵy chempıony Denıel Gılmen judyryqtasady, dep habarlaıdy Allboxing.ru.
