Rotterdamda úsh adamdy atyp óltirgen er adam ómir boıyna bas bostandyǵynan aıyryldy

ASTANA. KAZINFORM – Aıyptaýshy tarap Fýad L.-ny 30 jylǵa bas bostandyǵynan aıyrýdy jáne májbúrli psıhıatrııalyq emdeýdi surady, biraq sýdıa ony ómir boıyna bas bostandyǵynan aıyrý jazasyna kesti, dep habarlaıdy VVS.

— Kisi óltirý men órteý eń aýyr qylmystar qataryna jatady, — dep keltirdi NU.nl sýdıanyń sózin.

Fýad L. 28 jyldan keıin shartty túrde merziminen buryn bosatylý ótinishin bere alady. Aıyptaýshy tarap suraǵan úkimde ol psıhıatrııalyq em alýdy sátti aıaqtaǵannan keıin ǵana bosatylatyny shamalanǵan.

2023 jyldyń qyrkúıeginde Fýad L. óziniń kórshisi, 39 jastaǵy Marlýs pen onyń 14 jastaǵy qyzy Remıdi atyp óltirdi. Sodan keıin ol «Erazmýs» medıtsınalyq ortalyǵyna baryp, sol jerde sabaq beretin 43 jastaǵy dáriger ıÝrgen Damendi óltirgen. Er adam sondaı-aq óz úıi men medıtsınalyq ortalyqty órtep jibergen.

Sotta Fýad L. onyń qylmys jasaýyna oqýdy aıaqtaǵan soń medıtsınalyq dıplom berilmegeni sebep bolǵanyn aıtty.

— Men kináli ekenimdi bilemin, biraq jaýapkershilikti sezinbeımin, — dedi ol.

Eske sala keteıik, buǵan deıin Rotterdamda er adam turǵyndarǵa oq jaýdyryp, 

3 turǵyndy atyp óltirgenin jazǵan bolatynbyz.