Rotterdamda er adam turǵyndarǵa oq jaýdyrdy
Nıderlandtyń Rotterdam qalasynda qarýlanǵan er adam 3 turǵyndy atyp óltirdi. QazAqparat bul týraly BBC jańalyqtaryna silteme jasap habarlaıdy.
Qaskóı aldymen, turǵyn úıde, odan keıin jaqyn mańdaǵy «Erazmýs» medıtsınalyq ortalyǵynda oq jaýdyrǵan. Páterde eki adamdy jaralap, artynsha órtep jibergen, dep habarlady jergilikti BAQ. Osydan keıin medıtsınalyq mekemege baryp, oq atýdy jalǵastyrǵan.
Polıtsııa kúdikti retinde Erazmýs medıtsınalyq ýnıversıtetiniń stýdenti bolǵan 32 jastaǵy qala turǵyny ustalǵanyn málim etti.
Rotterdam prokýrory Hıýgo Hıllenardyń aıtýynsha, qylmys sebepteri áli anyq emes. Biraq kúdikti quqyq qorǵaý organdaryna tanys ekenin, ol 2021 jyly janýarlarǵa qatygezdik kórsetkeni úshin qylmystyq jaýapqa tartylyp, sottalǵanyn aıtty.
«Erazmýs» medıtsınalyq mekemesine arnaıy áreket etý jasaǵynyń qarýly polıtsııasy bardy.
