Rotterdamda álemdegi eń úlken keme salynady
ASTANA. QazAqparat - Álemdegi eń úlken keme Pieter Schelte Rotterdamda (Nıderlandy) salynady. Keme ıesi jáne qurastyrýshysy Allseas jáne Rotterdam portynyń ákimshiligi tıisti kelisimshartqa qol qoıdy, dep habarlady Kólik strategııasynyń ortalyǵy SeaNews-ke silteme jasap.
Port ákimshiliginen habarlaǵandaı, Pieter Schelte osy jyldyń sońynda Rotterdamǵa ákelinýi tıis. Sońǵy qurastyrý jumystary Maasvlakt ishki sý qoımasyndaǵy Aleksıahafende júzege aspaq.
Pieter Schelte uzyndyǵy 382 metrdi, eni - 124 metrdi quraıdy. Kemeniń joǵarǵy bóligi 48 myń tonna, al tirekteri 25 myń tonnaǵa deıingi júkti kótere alady.
