Rotterdam porty arqyly qazaqstandyq taýarlardy ótkizý máselesi talqylandy

BRıÝSSELЬ-GAAGA. QazAqparat - Qazaqstannyń Nıderland elindegi elshisi Asqar Jumaǵalıev Rotterdam porty ákimshiliginiń bas dırektory Allard Kasteleınmen onlaın kezdesý ótkizdi, dep habarlaıdy QazAqparat tilshisi.

Kezdesý barysynda A.Kasteleınge Ýkraınadaǵy jaǵdaıǵa baılanysty Qazaqstannyń ustanymy, QR Prezıdenti Qasym-Jomart Toqaevtyń ýkraın tarapyna gýmanıtarlyq kómek kórsetý sheshimi jóninde aqparat berildi.

Qazaqstan elshisi Reseı-Ýkraına máselesine baılanysty Rotterdam porty arqyly qazaqstandyq taýarlardyń úzdiksiz júk aınalymyn qamtamasyz etýdiń mańyzdylyǵyn atap ótti.

Óz kezeginde A.Kasteleın Rotterdam porty arqyly qazaqstandyq júkterdi qabyldaý men jóneltýde problemalardyń joqtyǵyn atap ótti. Bul rette sońǵy kezde týyndaǵan júkterdiń tranzıti jónindegi barlyq máseleler arnaıy qurylǵan jumys toby sheńberinde qaralady.

A.Kasteleın aldaǵy taıaý ýaqytta kólik-logıstıka salasynda port jáne qazaqstandyq seriktester arasyndaǵy ekijaqty úılestirýdi retke keltirý boıynsha QR Elshisiniń usynysyna qoldaý bildirdi.