Rostovtyq sýretshi qoltyraýynnyń qolyna Quran paraǵyn baıqamaı ustatyp jiberipti
ASTANA. 29 mamyr. QazAqparat - Rostovtyq sýretshi Elena Demıdenko «Moıdodyr» dep atalatyn balǵyndarǵa arnalǵan kitapty bezendirý kezinde osyndaı aǵattyqqa jol bergen. Alaıda, ol muny ádeıi istemegenin aıtyp aqtalýda.
Onyń aıtýynsha, alǵashqyda sýrette ádettegi gazet beınelengen eken. Alaıda, tapsyrys berýshige onyń túsi unamaǵan kórinedi. Sýretshi ǵalamtordan qandaı materıal ekenine úńilip jatpaı áldebir sýretti alyp, qoltyraýynnyń qolyna «ustata» salǵan. Keıin belgili bolǵandaı, sýrette 15-shi súre beınelengen. Bul jaıynda Donnews habar taratty.
muslim.kz saıtynyń jazýynsha, «Knıga» baspasy osynaý aǵattyqty túzetýge ýáde berdi.
Budan buryn habarlanǵandaı, jaqynda Reseıdegi Rostov-na-Doný qalasynyń bir baspasynan osy ertegi sýretti kitap bop basylyp shyǵypty. Sóıtse, ertegi kitapshasyndaǵy tazalyqqa shaqyratyn qoltyraýynnyń qolyna sýretshi Quran Kárimniń bir paraǵyn qystyrtyp qoıypty.
