Rostov oblysynyń turǵyny tiri arystannyń kúshigin satýda
ASTANA. QazAqparat - Rostov oblysynyń turǵyny arystannyń kúshigin satatyny, olardy úıine jetkizip beretini jaıly habarlandyrýdy belgili portaldardyń birine jarııalaǵan.
«Kúshikter 5 sáýirde týǵan. Olar - burynǵy tsırktegi eki arystannyń kúshikteri. Olardyń bireýiniń quny - 450 myń rýbl», - dep habarlady «Interfaksqa» beısenbide jabaıy janýarlardy satý týraly habarlandyrý ornalastyrǵan Roza esimdi áıel.
Janýarlardyń ıesi Rostov oblysy Taras aýdanynda turady, alaıda kúshikterdi qyzyǵýshylyq tanytqan satyp alýshylardyń úıine jetkizip beredi, dep atap ótedi agenttikpen áńgimelesýshi.
Ol «kúshikter - tamasha úı janýary ekenin, jas kezinde ıelerine kóp qıyndyq týdyrmaıtynyn» naqtylaǵan.
