Rosselhoznadzor AQSh-tan Qazaqstanǵa qus etin tasymaldaýǵa tyıym salmaqshy

Rosselhoznadzor AQSh-tan RF aýmaǵy arqyly Qazaqstanǵa qus ónimderiniń tranzıtine shekteý engizýge daıyndalyp jatyr. Kazinform bul týraly RIA Novostı-ge silteme jasap habarlaıdy.

Ótken jyly mundaı jetkizilim kólemi 23 myń tonnany qurasa, bıyl 15 myń tonnaǵa jetpeıdi.

Shekteý engizý qajettiligi Reseı men Qazaqstan aýmaqtaryn joǵary patogendi qus tumaýynan qorǵaýǵa baılanysty týyndady.

Qazirgi ýaqytta AQSh-ta qus tumaýy boıynsha jaǵdaı turaqsyz. Onda aýrýdyń 290-nan astam jaǵdaıy tirkelgen.

Aıta keterligi, ótken jyldyń sońyna qaraı búkil Eýropaǵa qus tumaýy vırýsynyń agressıvti kishi túri taraǵan bolatyn. Onda jabaıy jáne úı qustary popýlıatsııalarynda 9 myńnan astam aýrý oshaǵy tirkelip, shyǵyn 69 mıllıon qusty qurady.