«Rosselhoznadzor» Qazaqstandaǵy kıikterdiń qyrylýy sebebin aıtty

ASTANA. QazAqparat - Qazaqstanda kıikterdiń jappaı qyrylýyna gemorrogııalyq septıtsemııa ótkir septıkalyq aýrýy sebep bolýy múmkin. Bul aýrýǵa shaldyqqan janýarlar kóp bóligi tiri qalmaıdy, delingen Rosselhoznadzor habarlamasynda.

Qazaqstanda kıikterdiń jappaı qyrylýy mamyr aıynyń ortasynda bastaldy, qyrylǵan janýarlardyń sany 132 myń bastan asqan. 2014 jyly Qazaqstandaǵy kıikterdiń sany 256,7 myń bas janýardy quraǵan edi.

Rosselhoznadzor qaramaǵyndaǵy «Janýarlardy qorǵaý federaldyq ortalyǵy» 1-2 maýsym kúnderi Aqmola, Aqtóbe jáne Qostanaı oblystaryndaǵy kıikterdiń patmaterıaldyn zerttegenin habarlady.

«Ortalyq mamandarynyń ótkizgen zertteýleri aýsyl, usaq maldardyń obasy, qoılar men eshkilerdiń sheshegi jáne blıýtang sııaqty erekshe qaýipti aýrýlardyń bolmaǵanyn kórsetti. Zerttelgen synamalardyń barlyǵynda V tıpti Pasteurella multocida - gemorrogııalyq septıtsemııanyń qozdyrǵyshy anyqtalǵan», - dep habarlady Rosselhoznadzor.