Rospotrebnadzor 13 elge koronavırýsty anyqtaýǵa arnalǵan test-júıe berdi
NUR-SULTAN. QazAqparat - Rospotrebnadzor 13 elge 100 myńnan astam COVID-19 vırýsyn zertteýge arnalǵan test-júıe berdi. Atalmysh júıe taǵy 3 elge jiberilmek, dep habarlaıdy QazAqparat tilshisi TASS agenttigine silteme jasap.
«Qazirgi ýaqytta Rospotrebnadzor «Vektor» vırýsologııa jáne bıotehnologııa memlekettik ǵylymı ortalyǵy» Federaldy bıýdjettik ǵylymı mekemesi ázirlegen COVID-19 vırýsyn 100 myńnan astam zertteýge arnalǵan test-júıesin Eýrazııalyq ekonomıkalyq odaq, Táýelsiz Memleketter Dostastyǵy, Iran, Mońǵolııa, KHDR elderin qosa alǵanda 13 memleketke berdi. Mysyr, Serbııa jáne Venesýelaǵa jetkizilýi kútilýde», delingen taratylǵan aqparatta.
Sondaı-aq atalmysh aqparatta atalǵan test-júıeniń arqasynda Armenııa, Belarýs, Qyrǵyzstan jáne Ózbekstan elderinde koronavırýs ınfektsııasynyń alǵashqy derekteri tirkelgeni aıtylǵan.
