«Rosneft» qyzmetkerin úsh balasymen birge órtep jiberdi
ASTANA. QazAqparat - «Rosneft» kompanııasynyń aǵa qyzmetkeri Elena Pereverzeva men onyń úsh balasy Máskeý túbindegi Hımkada bolǵan órt kezinde qaza tapty, dep habarlaıdy «Lenta.rý».
43 jastaǵy áıel men egiz balasy (ul men qyz) jáne 12 jastaǵy balasynyń máıitteri Terehovo kentindegi órtengen kottejd ornynan tabyldy.
«Oqıǵa bolǵan jerdi tekserý barysynda áıeldiń moınynan eki qabattalyp oralǵan sıntetıkalyq arqan tabyldy»,delingen RTK Máskeý oblysy boıynsha bas tergeý basqarmasy baspasóz qyzmetiniń habarlamasynda.
Aldyn ala tergeý málimetterine qaraǵanda, Elena Pereverzevanyń úıine qaraqshylyq shabýyl jasalǵan. Zulymdar ózderiniń qylmystaryn jasyrý úshin úıdi ádeıi órtegen.
Ajal qushqan áıeldiń «Rosneft» qyzmetkeri ekendigi tek 8 qyrkúıekte anyqtaldy.
