«Roskosmos» Jezqazǵan mańynda bolǵan adam óliminiń sebebin túsindirdi
ASTANA. QazAqparat - «Roskosmos» Jezqazǵan mańynda «Soıýz 2.1a» zymyran tasymaldaǵyshy bólshekteriniń qulaýy oqıǵasynyń mán-jaıy týraly málimet berdi, dep habarlaıdy «QazAqparat» HAA tilshisi.
«Zymyrannyń qosalqy bólshekteriniń qulaý aýmaǵynda aýa raıynyń qolaısyzdyǵyna baılanysty (+34 gradýs, jeldiń uıytqýy 15m/sek) jazyq dalada ot tutandy. Turǵyndarǵa tóngen qaýip joq, órt saldary joıyldy. Órt sóndirý barysynda KamAZ avtokóligin basqarǵan «Mashına jasaý UQ» jumysshysy qaza tapty. Qatty jel turýy saldarynan KamAZ otqa orandy», - delingen Roskosmos habarlamasynda.
Reseı ǵarysh aılaǵynda «Mashına jasaý UQ» AQ («Roskosmos» memlekettik korporatsııasyna kirmeıdi) qulaý aýdandaryn paıdalanýǵa berýdi qamtamasyz etýmen aınalysatyndyǵy anyqtaldy.
Vedomstvonyń málimetinshe, 2017 jyldyń 14 maýsymynda «Soıýz 2-1a» zymyran tasymaldaǵyshy Halyqaralyq ǵarysh stantsııasy baǵdarlamasymen «Progress MS-06» júk kemesimen ushyrylýy sátti aıaqtalǵannan keıin onyń bólingen bólshekteri Jezqazǵannyń batys aýmaǵynda, 50 shaqyrym qashyqtyqta ornalasqan aldyn ala belgilengen jerge qulaǵan.
Roskosmos marqumnyń týǵan-týysqandarynyń qaıǵysyna ortaqtasyp, kóńil aıtady.
