Roskosmos «Progresstiń» qulaýyna kinálilerdi jumystan shyǵarady
ASTANA. 31 tamyz. QazAqparat - Roskosmos «Soıýz-Ý» zymyran-tasyǵyshy bar «Progress M-12M» júk ǵarysh kemesiniń qulaýyna kinálilerdi jumystan shyǵarady.
Bul týraly búgin RIA «Novostı» beınekópiri barysynda Roskosmostyń stats-hatshysy - jetekshi orynbasary Vıtalıı Davydov habarlady.
«Biz úshin bul aýyr soqqy, bul oqıǵa kináli tulǵalar úshin, orny tolmas qatelikti jibergen adamdar úshin kadrlyq sheshimdermen aıaqtalyp, talqylaý júrgizý úshin mańyzdy sebep bolmaq. Árıne, ol adamdar endi bizde jumys istemeıdi», - dedi V.Davydov.
Onyń sózine qaraǵanda, Roskosmos apattyń sebebin áli tolyq anyqtaǵan joq.
