Roskosmos Baıqońyrdy jalǵa alý boıynsha jasalǵan qosymsha kelisimderdi túsindirdi

ASTANA. QazAqparat - Chelıabınskide ótken Qazaqstan men Reseıdiń XIV óńiraralyq yntymaqtystyǵy forýmy aıasynda «Baıqońyr» kesheni boıynsha kelisimderdiń quqyqtyq negizderin tolyqtyrý boıynsha shartqa qol qoıyldy, dep habarlaıdy «QazAqparat» HAA tilshisi.

Roskosmos baspasóz qyzmetiniń aqparaty boıynsha, «Roskosmos» memlekettik korporatsııasy bas dırektorynyń birinshi orynbasary Aleksandr Ivanov pen Qazaqstan Respýblıkasy Aýyl sharýashylyǵy mınıstriniń birinshi orynbasary Qaırat Aıtýǵanov 1994 jylǵy 10 jeltoqsanda qabyldanǵan RF Úkimeti men QR Úkimeti arasyndaǵy «Baıqońyr» keshenin Jalǵa berý shartyna ózgerister engizý týraly Hattamaǵa qol qoıdy.

«Hattamada «Baıqońyr» keshenin jalǵa berý sharty sheńberinde Reseı Federatsııasynyń Qazaqstan Respýblıkasynan jalǵa alatyn terrıtorııalardyń koordınattary naqtylanǵan», - dep habarlady vedomstvonyń baspasóz qyzmetinen.

Sondaı-aq RF densaýlyq saqtaý mınıstri Veronıka Skvortsova men QR densaýlyq saqtaý mınıstri Eljan Birtanov Reseı Federatsııasy Úkimeti men Qazaqstan Respýblıkasy Úkimetiniń arasyndaǵy 2009 jyldyń 17 qarashasynda qabyldanǵan «Baıqońyr» keshenin Reseı Federatsııasyna jalǵa berý shartyna sáıkes «Baıqońyr» ǵarysh aılaǵynyń qyzmetkerlerine, Baıqońyr qalasynyń, Toretam jáne Aqaı eldi mekenderiniń turǵyndaryna medıtsınalyq qyzmet kórsetý tártibi jaıly» Kelisimge ózgerister engizý týraly Hattamaǵa qol qoıdy.

Qol qoıylǵan qujattar eki el arasyndaǵy yntymaqtastyqty damytýdyń mańyzdy elementi bolyp tabylatyn «Baıqońyr» kesheni boıynsha ekijaqty quqyqtyq bazany tolyqtyra túsedi.