Roskosmos basshysy Baıqońyrdyń bolashaǵy týraly aıtty

BAIQOŃYR. QazAqparat - Baıqońyr qalasynyń ákimshiliginde «Roskosmos» memlekettik korporatsııasynyń bas dırektory Dmıtrıı Rogozın ákimshilik basshylary jáne qyzmetkerlermen, qaladaǵy kásiporyndar jáne mekeme basshylarymen kezdesti, dep habarlaıdy QazAqparat tilshisi.

Dmıtrıı Rogozın Reseı Federatsııasy Prezıdentiniń gramotasyn ákimshilik basshysynyń orynbasary Nıkolaı Adasevke tabystap, baıqońyrlyqtarǵa Roskosmostyń perspektıalyq ǵarysh jobalary týraly aıtty, dep habarlady qala ákimshiliginiń baspasóz qyzmeti.

«Petropavldaǵy sammıtten keıin «Báıterek» jobasyn júzege asyrýǵa kirisip jatyrmyz. Qazaqstan Prezıdentiniń úkimetti otstavkaǵa jiberý týraly málimdemesinen keıin qazaqstandyq tarap úkimetti qaıta quryp jatyr. Ony bekitkennen keıin biz jańa basshylar quramymen tyǵyz jumys isteımiz», - dedi D. Rogozın.

«Roskosmosqa toqtalar bolsaq, «Ertis» zymyrany (burynǵy «Soıýz-5») Qazaqstanǵa da, Reseıge de qatysty bolǵandyqtan, osyndaı ataýǵa ıe boldy. 2022 jyly synaq júrgizýdi bastaımyz. Sáıkesinshe, jańa pılottyq keme qurylyp jatyr», - dedi Roskosmos basshysy.

Baıqońyrdyń keleshegi týra sóz qozǵaǵan Roskosmos basshysy:

«Pılottyq baǵdarlamalar Baıqońyrda júzege asady. «Soıýz» ben «Ertis» jaǵa zymyrany Baıqońyrdan ushyrylady. Sondyqtan, «Baıqońyrdyń» bolashaǵy zor jáne ol odan ári qaraı damı túsedi. Ótken jyldyń 11 qazanynda Jerge apatty jaǵdaıda oralǵan ekıpaj 14 naýryz kúni qaıta ushady. Bul - Alekseı Ovchının men Nık Heıg. Olarmen birge amerıkalyq Kýk hanym ushady», - dep túıindedi Roskosmos basshysy.

Avtor: Sara Qabıqyzy