Rosatommen bas kelisimshart qashan rásimdeledi — agenttik jaýaby

ASTANA. KAZINFORM — Atom energetıkasy jónindegi agenttik Rosatommen AES qurylysy boıynsha bas kelisimshart qashan rásimdeletinin aıtty.

— Eger kelisimshart jaıynda aıtar bolsaq, onda ol Qazaqstan men Reseı arasynda yntymaqtastyqtyń negizgi sharttary týraly úkimetaralyq kelisimge qol qoıylyp, memleketaralyq eksperttik qarjylandyrý usynylǵannan keıin rásimdeledi. Jobalyq qujattamany ázirleý osy jazda bastaý josparlanyp otyrǵan ınjenerlik izdestirýler nátıjesin alýmen baılanysty, — dedi agenttikten BAQ ókilderiniń saýalyna oraı.

Vedomstvo málimetinshe, Rosatom Qazaqstanǵa VVER-1200 ıadrolyq reaktoryn usynyp otyr. Bul úlgidegi energııa blogy Reseı, Belarýs jáne Qytaıda tabysty jumys istep tur. Sonymen qatar Túrkııa, Mysyr, Qytaı, Bangaldesh jáne Majarstanda salynyp jatyr.
Buǵan deıin «Rosatom» kompanııasy Qazaqstandaǵy alǵashqy atom elektr stantsııasyn salý jobasy boıynsha halyqaralyq konsortsıýmnyń kóshbasshysy retinde anyqtalǵanyn jazǵan edik. 

Sonymen qatar Atom energetıkasy jónindegi agenttik tóraǵasy Almasadam Sátqalıev Qazaqstandaǵy taǵy bir AES-ti qytaılyq vender salatynyn málim etti.