«Rosatomǵa» sanktsııa salý Ózbekstandaǵy AES qurylysyna áser ete me
TAShKENT. KAZINFORM – Ózbekstannyń Jızaq oblysyna qarasty Farısh aýdanynda ótken qoǵamdyq tyńdaý aıasynda «Rosatom» memlekettik korporatsııasynyń ókilderi yqtımal sanktsııalardyń áseri týraly suraqqa jaýap berdi, dep habarlaıdy Kazinform agenttiginiń menshikti tilshisi.
- Birinshiden, biz uzaq ýaqyt boıy sanktsııalyq tizimde turmyz. ıAǵnı, tek «Rosatom» emes, jalpy el sanktsııaǵa túsken. Korporatsııa qazirgi ýaqytqa deıin atom elektr stantsııasyn qurýǵa qajetti barlyq tehnologııalyq protsesti oqshaýlap úlgerdi. Tıisinshe, sanktsııalar Ózbekstandaǵy AES qurylysyna áser etpeıdi, - dedi «Atomstroıeksport» aktsıonerlik qoǵamynyń vıtse-prezıdenti Pavel Bezrýkov.
Eske salaıyq, buǵan deıin Ózbekstanda AES salý usynysy boıynsha qoǵamdyq tyńdaý ótkenin jazyp edik. Onyń barasynda resmı ókilder turǵyndardyń saýalyna jaýap berdi. Qoǵamdyq tyńdaý qorytyndysy boıynsha arnaıy baıandama ázirlenedi.
Ózbekstanda boı kóteretin AES-tiń jalpy qýaty — 2110MVt. Ol jylyna 16-17 mlrd kVt elektr energııasyn óndiredi. Strategııalyq nysannyń qurylysy barysynda — 13 myń, al ol tolyq iske qosylǵanda 2 myń adam jumyspen qamtylmaq.
Qosa ketsek, Ózbekstanda salynyp jatqan AES Jızaq, Samarqand jáne Naýaı oblystaryn elektr energııasymen qamtamasyz etýge qaýqarly bolady.
Sondaı-aq, taıaýda Ózbekstanda atom elektr stantsııasy qurylysynyń birinshi kezeńi bastalǵanyn jazyp edik.
Buǵan deıin habarlaǵanymyzdaı, Reseı Ózbekstanda taǵy bir AES salady.
Eske salaıyq, jaqynda QR Atom energetıkasy jónindegi agenttik tóraǵasy Almasadam Sátqalıev elimizdegi tuńǵysh AES-tiń alǵashqy betony shamamen 2029 jyly quıylýy múmkin ekenin aıtty.