«Rosatomǵa» sanktsııa salynsa, Qazaqstanǵa AES salýy múmkin vendorlardyń qatarynan shyǵaryla ma – mınıstr jaýaby
ASTANA. KAZINFORM – Úkimet otyrysynan keıin ótken baspasóz máslıhatynda Energetıka mınıstri Almasadam Sátqalıev Qazaqstanda AES salýdan úmitti tórt vendordyń biri «Rosatomnyń» sanktsııa qursaýynda qalý yqtımaldyǵy týraly pikir bildirdi.
«AQSh senatynda jatqan zań jobasy maquldanyp, «Rosatommen» áriptestik ornatqan taraptarǵa sanktsııa salý týraly sheshim qabyldansa, bul kásiporyn Qazaqstanda AES salýdan úmitti vendorlardyń qatarynan shyǵaryla ma?» - dep surady BAQ ókili.
«Birinshiden, ázirge naqty vendor týraly aıtý erte. Al sanktsııa máselesine kelsek, Qazaqstan Respýblıkasy búkil halyqaralyq sanktsııalardy ustanýshy el ekenin únemi aıtyp júrmiz. ıAǵnı, biz bir de bir sanktsııalyq rejımnen aýytqymaımyz jáne ony oryndaımyz. Іshki saıasatta da, halyqaralyq saıasatta da halyqaralyq quqyq normalaryn ustanamyz. Qazirgi tańda «Rosatom» korporatsııasy sanktsııadaǵy kásiporyn bolyp eseptelmeıdi. Bul jaǵdaıdy baqylap otyrmyz», - dedi Energetıka mınıstri.
Vedomstvo basshysy áýeli referendým ótkizip alý mańyzdy bolyp turǵanyn aıtty.
«Qazaqstan búkil halyqaralyq sanktsııalardyń talabyn oryndaıtyny sózsiz», - dedi Almasadam Sátqalıev.
