Rosatom sanktsııaǵa tússe, Qazaqstanda salynatyn alǵashqy AES-tiń taǵdyry ne bolady

ASTANA. KAZINFORM — Atom energetıkasy jónindegi agenttik Kazinform saýalyna joldaǵan jaýapta Rosatom sanktsııaǵa tússe, Qazaqstanda salynatyn alǵashqy AES-tiń taǵdyry ne bolatynyn aıtty.

— Sońǵy málimetter boıynsha, «Rosatom» sanktsııalar tiziminde joq. Bolashaqta jekelegen elderde sanktsııalardyń kúsheıýine baılanysty qandaı da bir táýekelder týyndaǵan jaǵdaıda bizde qazaqstandyq kompanııalar basqa jobalarda qoldanǵan tıisti sharttyq tetikter kózdelgen. Mysaly, tıisti sanktsııalar men basqa da quqyqtyq quraldardy qoldaný múmkindigi bar, — dep jazady agenttik mamandary.

Agenttik jaýabynda «Rosatomnyń» sanktsııaǵa túsý yqtımaldyǵy tym tómen ekeni aıtylǵan.

— Bul rette áleýmettik-gýmanıtarlyq qajettiliktermen jáne klımattyq kún tártibimen baılanysty atom energetıkasy sanktsııalyq tizimderge engizilmegen, — delingen agenttik jaýabynda.

Eske salsaq, eki kún buryn Qazaqstandaǵy alǵashqy AES salatyn konsortsıýmnyń tizgini reseılik «Rosatomǵa» berilgeni málim bolǵan edi.