«Rosatom» Ózbekstandaǵy AES-ke qajetti jabdyqtardy ázirleýge kiristi
TAShKENT. KAZINFORM – «Rosatom» memlekettik korporatsııasy Ózbekstandaǵy az qýatty atom elektr stantsııasynyń birinshi blogyna qajetti jabdyqtardy shyǵara bastady, dep habarlaıdy Kazinform agenttiginiń menshikti tilshisi.
Energetıkalyq nysannyń ıadrolyq reaktoryn daıyndaýǵa kirisý protsesi «Power Uzbekistan – 2025» halyqaralyq kórmesinde tanystyryldy.
Resmı málimetke sáıkes, «Rosatom» korporatsııasyna qarasty «AEM-Spetsstal» metallýrgııa zaýytynda salmaǵy 205 tonna bolat quıma alyndy. Odan Ózbekstanda salynyp jatqan AES-te qoldanylatyn RITM-200N reaktor qondyrǵysynyń korpýsyna qajetti jabdyqtar jasalady.
Eske salaıyq, buǵan deıin Ózbekstan bıligi iri AES salý múmkindigin qarastyryp jatqanyn jazǵan edik.
Sonymen qatar qazirgi ýaqytta resmı Tashkent az qýatty AES salýǵa kiristi. Árqaısysynyń qýaty 55 MVt bolatyn 6 reaktor (jalpy qýaty – 330 MVt) Jızaq oblysyndaǵy Týzkan kólinde boı kóteredi. AES-tiń alǵashqy reaktory 2029 jyldyń sońynda iske qosylmaq. Al ol tolyq qýatta 2033 jyldan bastap jumys isteıdi dep josparlanǵan.
Jaqynda Kazinform agenttigine suhbat bergen Uzatom agenttiginiń dırektory Azım Ahmedhadjaev energetıkalyq nysannyń quny 2 mlrd dollardan aspaıtynyn aıtty.
Osyǵan saı, Ózbekstan men Reseı AES salý kelisimshartynyń kúshine ený hattamasyna qol qoıdy.
Sondaı-aq AES salý úshin halyqaralyq konsortsıým qurylady.