Rosatom Qazaqstanda AES salsa, Túrkııadaǵy jaǵdaı qaıtalanbaı ma — Bektenovtiń jaýaby

ASTANA. KAZINFORM — Premer-mınıstr Oljas Bektenov Úkimet otyrysynan keıin ótip jatqan baspasóz máslıhatynda osyndaı suraqqa jaýap berdi.

— Rosatom Túrkııadaǵy AES-ti salyp aıaqtaı almaı, 49 paıyz úlesin satqaly jatyrǵanyn bilesiz. Qazaqstanda da osyndaı jaǵdaı bolsa, qosymsha josparlaryńyz bar ma, — dep surady jýrnalıst.

Úkimet basshysy eki jobany iske asyrý modeli eki túrli ekenin túsindirdi.

— Túrkııadaǵy AES boıynsha múldem basqa shema qoldanylǵan. Vuild-own-operate modeli boıynsha (sal-ıelen-basqar degen maǵynada — red.) modeli qoldanylyp jatyr. Rosatom Túrkııadaǵy AES-ti salyp, ıesi ózi bolady. Al bizde múldem basqasha. Bizdiń qazaqstandyq AES Qazaqstannyń menshiginde bolady. Sondyqtan Túrkııadaǵydaı táýekelder az bolady dep oılaımyz. Árıne, biz reseılik tarappen, áriptesterimizben Qazaqstan úshin óte mańyzdy jobany kedergisiz, ýaqytynda iske asyrý baǵytynda jumys isteımiz, — dedi Oljas Bektenov.

Buǵan deıin Túrkııada qarjylyq qıyndyqtar «Akkýıý» AES-niń jańa bloktaryn salý qarqynyn báseńdetkenin jazǵan edik.