«Rosatom» Irandaǵy atom elektr stantsııasyna mamandaryn qaıtardy
ASTANA. KAZINFORM — Reseıdiń «Rosatom» memlekettik korporatsııasy Irandaǵy «Býsher» atom elektr stantsııasynyń (AES) qurylys alańyna mamandardy qaıtara bastady. Qazirgi ýaqytta nysanda 25 reseılik maman jumys istep júr, dep habarlaıdy TASS aqparat agenttigi.
«Rosatom» bas dırektory Alekseı Lıhachevtiń aıtýynsha, Irandaǵy «Býsher» atom elektr stantsııasyna alǵashqy bes ınjenerlik-tehnıkalyq qyzmetker keldi. Osylaısha, nysandaǵy reseılik mamandardyń jalpy sany 25 adamǵa jetti.
– Biz aldaǵy eki apta ishinde taǵy birneshe ondaǵan qyzmetkerden turatyn topty jiberýdi josparlap otyrmyz. Árıne, AQSh pen Iran arasyndaǵy qaqtyǵys odan ári ýshyǵyp ketpese, – dedi Lıhachev.
Onyń aıtýynsha, korporatsııa kúzde joba boıynsha qyzmetkerler sanyn 100-ge deıin arttyrýdy josparlap otyr.
— Árıne, biz buryn ıslam respýblıkasynan evakýatsııalanǵan barlyq mamandy múmkindiginshe tezirek qaıtarýdy josparlap otyrmyz. Alańda № 2 jáne № 3 energobloktardyń negizgi jáne qosalqy ǵımarattarynyń qurylysy jalǵasyp jatyr, sondaı-aq gıdrotehnıkalyq qurylystarda daıyndyq jumystary bastaldy, — dep atap ótti reseılik memlekettik korporatsııanyń bas dırektory.
Kazinform úshin arnaıy TASS seriktes agenttigi usynǵan.
Eske salaıyq, naýryz aıynda «Rosatom» Irandaǵy AES-tegi jumysyn toqtatty.
