«Rosatom» Irandaǵy AES-tegi jumysyn toqtatty

MÁSKEÝ. KAZINFORM – «Rosatom» korporatsııasynyń basshysy Alekseı Lıhachev Irandaǵy «Býsher» AES-iniń jańa energobloktarynyń qurylysy ýaqytsha toqtatylǵanyn málimdedi, alaıda bul joba kompanııa úshin negizgi baǵyttardyń biri bolyp qala beredi, dep habarlaıdy Kazinform agenttiginiń menshikti tilshisi reseılik BAQ-qa silteme jasap.

Lıhachevtyń aıtýynsha, áskerı is-qımyldarǵa baılanysty jaǵdaıdyń qalaı órbıtinin boljaý qıyn. Korporatsııa stantsııamen saǵat saıyn baılanys ustap otyr. Ujymdaǵy ahýal tynysh jáne baqylaýda. Qazirgi ýaqytta Reseı Irannyń atom salasy basshylyǵymen baılanysa almaı otyr, baılanys úzilgen.

AES aýmaǵynda 639 adam bar. Qyzmetkerlerdiń bir bóligi Tegeranda ornalasqan, olar soqqy arasyndaǵy úzilis kezinde elden kezeń-kezeńimen ketip jatyr.

BAQ málimetinshe, «Rosatom» memlekettik korporatsııasy qurylysyn júrgizip jatqan «Býsher» AES-i ornalasqan Irannyń Býshır qalasy da shabýylǵa ushyraǵan.

Buǵan deıin dıplomattar Qazaqstan Respýblıkasynyń 50 azamatyn Irannan Túrikmenstan jáne Armenııa arqyly shyǵaryp áketkeni habarlanǵan bolatyn.