«Rosatom» Armenııaǵa jańa energoblok salý boıynsha usynys joldady
EREVAN. KAZINFORM — «Rosatom» memlekettik korporatsııasynyń bas dırektory Alekseı Lıhachev Armenııanyń premer-mınıstri Nıkol Pashınıan jáne onyń orynbasary Mger Grıgorıanmen kezdesti, dep habarlaıdy Kazinform agenttiginiń Erevandaǵy menshikti tilshisi.
Kezdesý barysynda taraptar Armenııa AES-iniń paıdalaný merzimin 2036 jylǵa deıin uzartý máselesin talqylady. Bul rette Alekseı Lıhachev bul jumystyń birinshi kezeńi aıaqtalǵanyn jetkizdi. Tıisinshe, energobloktyń jumysyn odan ári jalǵastyrýǵa ruqsat berildi.
Sondaı-aq kezdesýde Armenııada atom energetıkasyn damytý máselelerine erekshe nazar aýdaryldy. Osy oraıda, «Rosatom» tıimdi ári zamanaýı tehnologııalardy qoldana otyryp, atalǵan elde orta jáne az qýatty energobloktardy salýdy usyndy.
— «Rosatom» armıan tarapyna qýaty 1000 MVt bolatyn VVER-1000 energoblogyn salý boıynsha naqty usynys joldady. Reseı bul jobany halyqaralyq ıntegratsııalanǵan konsortsıým formatynda júzege asyrýǵa daıyn. Eger resmı Erevan buǵan múddeli bolsa, qurylys jumystaryna qosymsha Frantsııa, Koreıa jáne Qytaıdan kompanııalardy tartýǵa bolady, — dep málim etti Alekseı Lıhachev.
Eske salaıyq, elimizdegi alǵashqy AES-ti iske qosý merzimi naqtylandy.
Sonymen qatar taıaýda Qazaqstan men «Rosatom» alǵashqy AES jobasy boıynsha kelisim jasaǵan edi.
