Rosado: Golovkınge basymdyq beremin, óıtkeni onyń soqqylary Lemenikine qaraǵanda dál tıedi
ASTANA. QazAqparat - Orta salmaqtaǵy álem chempıony ataǵynyń burynǵy úmitkeri 29 jastaǵy amerıkalyq Gabrıel Rosado qazaqstandyq Gennadıı Golovkınmen de, kanadalyq Davıd Lememen de judyryqtasqan.
Rosadonyń pikirinshe, eki boksshynyń da soqqylary osal emes, alaıda bul kezdesýde olardyń dál tııýi sheshýshi ról atqarmaq. Bul turǵyda sportshy basymdyqty qazaqstandyqqa berip otyr, dep jazady vesti. kz. Eske sala keteıik, Golovkın men Leme jekpe-jegi 17 qazanda ótedi dep josparlanǵan.
«Golovkınniń soqqylary kózdegen jerine tıedi, - dedi Rosado. - Lememen kúsh synasqanda aýyr jaraqatym bolǵan (bet súıeginiń synýy). Golovkınmen kezdeskende mundaı jaraqat bolǵan jaǵdaıda, men Lemege qarsylyq bildirgendeı qazaqstandyqtyń soqqylaryna tótep bere almas edim. Ol kezde jaǵdaı ózgeshe bolar edi. Eshbir boksshy bet súıeginiń synýy jaraqatymen 10 raýnd boıy Golovkınge qarsy tura almas dep oılaımyn».
