Ronda Roýzı Golovkınge tıtýldyq jekpe-jegi aldynda qoldaý kórsetkeni úshin alǵys aıtty
ASTANA. QazAqparat - UFC nusqasy boıynsha eń jeńil salmaqtaǵy álem chempıony Ronda Roýzı (12-0) qazaqstandyq, WBA (Super), IBO, WBC (Interim) jáne IBF tujyrymdamalary boıynsha ortasha salmaqtaǵy álem chempıony Gennadıı Golovkınge ózine kórsetken qoldaýy úshin alǵysyn bildirdi. Bul týraly ol Instagram áleýmettik jelisindegi jeke paraqshasynda jazdy.
Qazan aıynyń sońynda Golovkın AQSh-tyń Kalıfornııa shtaty Glendeıl qalasyndaǵy Roýzıdiń UFC 193 týrnıri aıasynda ótetin tıtýldyq jekpe-jegine daıyndyq jasap jatqan zalyna barǵan bolatyn. Bul kezdesý 14 qarashada avstralııalyq Melbýrnda ótedi. Chempıonnyń qarsylasy on jekpe-jektiń toǵyzyn jeńispen aıaqtaǵan Hollı Hoým bolmaq.
Buǵan deıin Golovkın Roýzıdiń jekpe-jegin taǵatsyzdana kútip júrgenin aıtyp, chempıonǵa sáttilik tilegen bolatyn.
Eske sala keteıik, Roýzı Golovkınniń UFC-tegi súıikti boksshysy bolyp tabylady. Óz tarapynan amerıkalyq boksshy Qazaqstan boksshysyn qoldaıtynyn talaı ret málim etken.
