Ronaldýmen kezdesý úshin alańǵa júgirip shyqqan bala men ákesi eskertý aldy
ALMATY. QazAqparat – Altyn dop ıegeri Krıshtıaný Ronaldýmen kezdesý úshin alańǵa júgirip shyqqan qazaqstandyq jankúıer Ahmadı Erjanov pen onyń ákesi Sıngapýr quqyq qorǵaýshylary tarapynan jaza aldy, dep habarlaıdy QazAqparat tilshisi.
Bul týraly QR SІM resmı ókili Aıbek Smadııarov aıtty.
«Búgin ıÝventýs pen Tottenhem arasyndaǵy match barysynda qazaqstandyq 14 jastaǵy jankúıer Ahmadı Erjanov fýtbol alańyna júgirip shyǵyp, Ronaldýmen sýretke túsken. Bul áreketi úshin ol ákesimen birge jergilikti polıtsııa bólimshesine jetkizildi. Sıngapýrdaǵy zań talaptarynyń qataldyǵyn eskersek, balaǵa qomaqty aıyppul salynýy tıis bolatyn. Osy oqıǵadan qulaǵdar bolǵan konsýl polıtsııa bólimshesine keldi. Ustalǵan azamattar aǵylshynsha bilmegendikten, olarǵa aǵylshynsha kómek kórsetildi. Nátıjesinde is materıaldary prokýratýraǵa berilip qoısa da Sıngapýrdaǵy konsýl polıtsııa ókilderine jaǵdaıdy túsindirdi. Sonyń arqasynda jasóspirim aıyppul tólemeı, tek eskertý aldy. Ahmadı – joly bolǵysh jigit», - dedi Aıbek Smadııarov.
QR SІM ókili qazaqstandyq azamattar qıyn jaǵdaıǵa tap bolsa, birden konsýlǵa júginýdi eskertti.
«Eger osyndaı jaǵdaı týyndaı qalsa, qazaqstandyq azamattarǵa mindetti túrde qazaqstandyq konsýlmen tildesý kerektigin eskertemiz. Alaıda, sheteldegi zań talaptaryn buzbaýǵa shaqyramyz», - dedi QR SІM resmı ókili Aıbek Smadııarov.
Aıta ketý kerek, 14 jastaǵy qazaqstandyq jas jankúıerdiń Krıshtıaný Ronaldýmen sýretke túsip, qol alysqanyn búgin habarlaǵan bolatynbyz.
