Ronaldýǵa «Altyn dop» Eıfel munarasynda tapsyrylatyn boldy
ASTANA. QazAqparat - Álemniń úzdik oıynshysyn saltanatty marapattaý rásimi Parıjdegi Eıfel munarasynda ótedi, dep habarlaıdy isport.ua Mundo Deportivo basylymyna silteme jasap.
Marapatty madrıdtik «Realdyń» shabýylshysy Krıshtıaný Ronaldý alady.
Syılyqty tapsyrý Chempıondar lıgasy toptyq kezeńiniń Real men dortmýndyq Borýssııa arasyndaǵy matchtan keıin, 7 jeltoqsanda ótedi. Saltanatty rásimdi Jerome Revon men burynǵy fýtbolshy Davıd Jınol júrgizedi.
Budan buryn Krıshtıaný Ronaldý «Altyn dopty» birneshe ret utqan bolatyn. Ol bul marapatty 2008, 2014 jáne 2016 jyldary enshiledi.
Eske sala ketsek, «Altyn dop» syılyǵy 1956 jyldan beri tapsyrylyp keledi.
