Ronaldýdyń het-trıgi «Realdy» Chempıondar lıgasynyń jartylaı fınalyna shyǵardy
ASTANA. QazAqparat - Madrıdtik «Real» komandasy nemistiń «Bavarııasyn» qarymta kezdesýde qapy qaldyryp, Chempıondar lıgasynyń jartylaı fınalyna shyqty, dep habarlaıdy QazAqparat.
Ispanııa astanasyndaǵy "Santıago Bernabeý" stadıonynda ótken kezdesý sanaýly sátter buryn 4:2 esebimen aıaqtaldy.
Esep oıynnyń 56-shy mınýtynda ashyldy. Penaltıdi sátti oryndaǵan Robert Levandovskı bolǵan. Alaıda 76 mınýtta Krıshtıaný Ronaldý esepti teńestirdi. Araǵa eki mınýt salyp Serhıo Ramos óz qaqpasyna gol salyp aldy - 1:2.
Oıynnyń negizgi ýaqyty osy eseppen aıaqtalǵan.
Atap ótý kerek, 84 mınýtta Artýro Vıdal ekinshi sary qaǵaz alǵan soń alańnan qýylǵan. Overtaımda osy oıynshynyń joqtyǵy nemis mashınasyn alǵa júrgizbeı qoıǵandaı boldy. 105 jáne 110-shy mınýtta Ronaldý eki dop salyp, het-trık oryndady. 112 mınýtta Marko Asensıo tórtinshi goldy «Bavarııa» qaqpasynda týlatty.
Osylaısha «Real» jalpy 6:3 esebimen shırek fınaldan sátti ótti. Aıta keteıik, koroldik klýb oıynshylary osymen 7-shi márte qatarynan ChL-dyń jartylaı fınalynda oınaǵaly otyr jáne olar týrnırdiń qazirgi chempıony.
Odan bólek, Madrıdtiń "Atletıko" fýtbol klýby Chempıondar lıgasynyń jartylaı fınalyna shyqty. Lestermen ótken qarymta oıynda qos komanda 1:1 esebimen teń tarqasty.
Ispandyqtar shırek fınaldyń birinshi oıynynda óz alańynda 1:0 esebimen jeńiske jetken bolatyn. Al Anglııada jartylaı fınalǵa shyǵý úshin teń nátıje de jetkilikti boldy.
Oıyndaǵy birinshi goldy "Atletıko" komandasy soqty. 26 mınýtta Saýl Nıgestiń baspen baǵyttaǵan dobyn Kasper Shmeıhel qaıtara almady.
61 mınýtta Djeımı Vardı tarazy basyn teńestirdi. Odan keıingi ýaqytta komandalar arasyndaǵy esepke ózgeris enbedi.
Aıta keteıik, ótken maýsymda Anglııa premer-lıgasynyń chempıony atanǵan "Lester" Chempıondar lıgasyna óz tarıhynda alǵash ret qatysty. Al "Atletıko" Eýropanyń basty dodasynda 12-shi ret baq synap otyr. Onyń 4-eýinde jartylaı fınalǵa shyqqan.
Erteń shırek fınaldyq synnyń sońǵy eki oıyny ótedi. Frantsııalyq "Monako" nemistiń dortmýndtyq "Borýssııasyn" qabyldaıdy (birinshi oıyndaǵy esep - 3:2). Al ıspandyq «Barselona» ıtalııalyq "ıÝventýspen" (0:3) kezdesedi. Qos oıyn da Astana ýaqytymen 00:45-te bastalady.
