Ronaldýdyń 4 jasar uly óz anasynyń kim ekenin bilgisi keledi
ASTANA. QazAqparat - Krıshtıaný Ronaldýdyń 4 jasar uly - Krıshtıanınıý óz anasynyń kim ekenin jáne qaıda ekenin bilgisi keledi. Bul týraly The Daily Mail fýtbolshynyń ápkesi Elmanyń sózin mysal ete otyryp, jarııalady. Málimetter boıynsha, Ronaldý balasyna onyń sýrogatty anadan týǵanyn aıtyp berýge batyly jetpegen. Sondyqtan, onyń anasy «aspan áleminde» ekendigin aıtypty.
«Krıshtıanınıý (jaqyndary balany osylaı ataıdy) mundaı jaýaptan keıin tomaǵa-tuıyq kúıge tústi. Sodan beri anasy jaıly esh suraq qoıǵan emes», - deıdi Elma.
Ronaldý sýrogatty anadan bala súıip, 2010 jyly 17 maýsymda áke atanǵan bolatyn. Krıshtıanınıýdiń anasy Kalıfornııada daıashy bolyp jumys isteıdi degen qaýeset bar. Ronaldýdyń januıasy balanyń anasy týraly esh derek bergisi kelmeıdi, dep jazady Lenta.ru.
Qazirgi ýaqytqa deıin fýtbolshy Irına Sheık esimdi modelmen romantıkalyq baılanysta. Alaıda, orys qyzy balanyń anasy bola almaıtyny belgili.
