Ronaldý jaıly derekti fılm jaryq kórdi
ASTANA. QazAqparat - «Krıshtıaný Ronaldý: álem onyń aıaǵynda» atty derekti fılmdi Benedıkt Kamberbetch dybystady, dep jazady sheteldik BAQ.
Digital Spy habarlaǵandaı, dańqty portýgalııalyq fýtbolshynyń ómiri men sporttaǵy jetistikteri jaıly aıtylady.
2012 jyly Ledı Gaga jaıly derekti fılm túsirgen Rejısser -Tara Pırına bul joly óz fılminiń basty keıipkeri retinde ataqty fýtbolshyny kórgisi kelgen. Týyndyda ózderiniń áriptesi ári qarsylasy retinde fýtbolshynyń ónerine Devıd Bekhem, Pele, Joze Moýrıno, Lıonel Messı, Ýeın Rýnı, Garı Lıneker, ser Aleks Fergıýsondar baǵa beredi.
Kartınany jasaýshylar Krıshtıaný Ronaldý búgingi tańda jer sharyndaǵy eń tanymal sportshy ekenine, jaqsy kórse de, meıli, jek kórse de onyń talantyna eshkim shek keltire almaıdy, dep sanaıdy.
Krıshtıaný Ronaldý - portýgalııalyq fýtbolshy, Portýgalııa ulttyq quramasynyń sapynda, sondaı-aq, «Real Madrıd» klýbynda oınaıdy. Ol álemdegi eń qymbat fýtbolshy sanalady. Onyń «Manchester ıÝnaıted» sapynan ıspanııalyq komandaǵa aýysýy 80 mln. fýntov sterlıngke baǵalanǵan bolatyn.
Al endi osy fılmdi dybystaıtyn Benedıkt Kamberbetch jaıly aıta keter bolsaq, ol - tanymal ártis. «Sherlok» serıalynda Sherlok Holms rólin somdaǵan.
